दिल्लीत दहशत माजवण्याचा कट, स्फोटानंतर हाय अलर्ट जारी!

Delhi High Alert issued : दिल्लीतील सीआरपीएफ शाळेबाहेर रविवारी सकाळी स्फोट झाला. स्फोटानंतर तपास सुरू आहे, दरम्यान, स्फोटानंतर कोणताही कट असण्याची शक्यता नाकारता येत नसल्याची माहिती पोलीस सूत्रांनी दिली आहे. दिल्लीत हाय अलर्ट जारी करण्यात आला असून मोठ्या बाजारपेठांमध्ये सुरक्षा वाढवण्यात आली आहे. दिवाळीमुळे बाजारपेठांमध्ये गर्दी असते, त्यामुळे असा कट रचण्याची भीती पोलिसांच्या चिंतेत वाढली आहे. स्फोटाबाबत कसून चौकशी सुरू आहे.

 हेही वाचा : VIDEO: दिल्लीत CRPF शाळेजवळ मोठा स्फोट!

 

 हेही वाचा : 'मला मारून इस्रायल देईल मला खास भेट', मृत्यूनंतर सिनवारचा VIDEO व्हायरल

 

 

काल रात्रीपासून आज सकाळी नऊ वाजेपर्यंत सीआरपीएफ शाळेच्या आजूबाजूच्या अनेक किलोमीटर अंतरावर असलेल्या मोबाइल टॉवरवर किती फोन कॉल्स आले, याची तपासणी केली जात आहे. याशिवाय संपूर्ण परिसराचा डंप डेटा घेण्यात येणार असून, त्यावरून कालपासून पहाटे स्फोट होईपर्यंत किती फोन ॲक्टिव्ह होते हे कळेल. त्या सर्व ॲक्टिव्ह फोनची माहिती गोळा केली जाईल. यासोबतच स्फोटाच्या ठिकाणी इकडे-तिकडे पसरलेल्या पांढऱ्या पावडरचाही तपास सुरू आहे.

 

 

 

 

दिल्ली पोलिसांचे पीआरओ संजय त्यागी यांनी सांगितले की, स्फोटानंतर तपास सुरू आहे. एफएसएल, स्पेशल सेल, संपूर्ण टीम घटनास्थळी हजर असून पुढील तपास सुरू आहे. काही दुकानांच्या काचा फुटल्या, कोणीही जखमी झाले नाही.

सूत्रांनी दिलेल्या माहितीनुसार, हा क्रूड बॉम्ब असू शकतो. मिळालेल्या माहितीनुसार वायरसदृश काही वस्तू जप्त करण्यात आल्या आहेत. संपूर्ण परिसरात सुरक्षा व्यवस्था कडक करण्यात आली आहे.