भारताचा हा खेळाडू झुंजतोय ब्लड कॅन्सरशी, बीसीसीआय मदतीसाठी पुढे

Aunshuman Gaekwad भारताचा माजी क्रिकेटपटू अंशुमन गायकवाड ब्लड कॅन्सरशी झुंज देत आहे. अशा परिस्थितीत टीम इंडियाचा माजी कर्णधार कपिल देव यांनी अंशुमन गायकवाडचा मुद्दा उपस्थित केला होता. आता बीसीसीआयने मोठा निर्णय घेतला आहे. भारतीय क्रिकेट नियामक मंडळाने अंशुमन गायकवाडला मदतीचा हात पुढे केला आहे. बीसीसीआयने अंशुमन गायकवाडसाठी एक कोटी रुपयांचा निधी जारी केला आहे.  हेही`वाचा : हाय-टेक सुरक्षा असूनही...गोळी लागली कशी?

 

अंशुमन गायकवाड हे लंडनमध्ये होते, पण आता ते बडोद्यात परतले आहेत, जिथे त्यांच्यावर उपचार सुरू आहेत. वृत्तसंस्था एएनआयनुसार, बीसीसीआयच्या सर्वोच्च परिषदेने माहिती दिली आहे की बीसीसीआय सचिव जय शाह यांनी बीसीसीआयला कर्करोगाने ग्रस्त भारताचा महान क्रिकेटपटू अंशुमन गायकवाड याला आर्थिक मदत देण्यासाठी तातडीने एक कोटी रुपये जारी करण्याचे निर्देश दिले आहेत. Aunshuman Gaekwad याशिवाय जय शहा यांनी गायकवाड यांच्या कुटुंबीयांशीही बोलून परिस्थितीचा आढावा घेतला आणि मदत केली. हेही वाचा : IAS पूजा खेडकरच्या आलिशान ऑडीला लागले जॅमर

अलीकडेच 1983 चा विश्वचषक विजेता कर्णधार कपिल देव गायकवाडांच्या मदतीसाठी पुढे आला आणि बीसीसीआयने गायकवाड यांना मदत करण्याचे आवाहन केले. Aunshuman Gaekwad सुनील गावसकर, रवी शास्त्री, दिलीप वेंगसरकर, मोहिंदर अमरनाथ, संदीप पाटील, मदन लाल आणि कीर्ती आझाद यांसारखे अनेक माजी भारतीय क्रिकेटपटू गायकवाड यांना मदत करण्यासाठी पैसे गोळा करत असल्याचेही वृत्त होते. त्यानंतर बीसीसीआयने दखल घेत हा निर्णय घेतला आहे. अंशुमन गायकवाड 1975 ते 1987 पर्यंत टीम इंडियाकडून खेळला. त्याने 1974 मध्ये वेस्ट इंडिजविरुद्ध कसोटी पदार्पण केले. या काळात गायकवाड यांनी भारतासाठी 40 कसोटी आणि 15 एकदिवसीय सामने खेळले. त्याचवेळी त्याने वनडेमध्ये एकूण 269 धावा केल्या होत्या. याशिवाय अंशुमन गायकवाड 1997 ते 1999 आणि पुन्हा 2000 मध्ये टीम इंडियाचे प्रशिक्षक होते.

हेही वाचा : जगन्नाथ मंदिराचे रत्नांचे भांडार उघडले, VIDEO