कोण होते 'महाराष्ट्राचा सॉक्रेटिस', जाणून घ्या त्यांच्याबद्दल संपूर्ण माहिती

महादेव गोविंद रानडे यांची १६ जानेवारीला १२४वी पुण्यतिथी आहे. महादेव रानडे हे भारतीय विद्वान, समाजसुधारक, न्यायाधीश आणि लेखक होते. यांना जस्टीस रानडे म्हणून देखील ओळखले जात असे. महादेव रानडे हे भारतीय राष्ट्रीय काँग्रेसचे संस्थापक सदस्यांपैकी एक होते. रानडे यांनी त्यांच्या आयुष्यात अनेक महत्वाची पदे भूषवली असून थोर कामगिरी केली.

 

 

महादेव गोविंद रानडे यांचा जन्म १८ जानेवारी १८४२ रोजी महाराष्ट्राच्या नाशिक जिल्ह्यात झाला होता. एक सुप्रसिद्ध सामाजिक व्यक्ती असताना शांत, धैर्यवान आणि आशावादी असे व्यक्तिमत्व म्हणून महादेव गोविंद रानडे यांची ओळख होती. त्यांना 'महाराष्ट्राचा सॉक्रेटिस' देखील म्हटले जात असे. डेक्कन शैक्षणिक संस्थेच्या स्थापनेसाठी त्यांचे योगदान उल्लेखनीय आहे. कायद्याची पदवी मिळविल्यानंतर त्यांनी न्यायाधीशाच्या भूमिकेत समाजात सुधारणा आणण्यासाठी अनेक प्रयत्न केले. महादेव गोविंद रानडे यांनी बाँबे उच्च न्यायालयात न्यायमूर्तीचे प्रतिष्ठित स्थान प्राप्त केले. Mahadev Govind Ranade भारताच्या प्रगतीसाठी महादेव गोविंद रानडे यांनी लोकशाही, धर्मनिरपेक्षता आणि औद्योगिकरणावर भर दिला होता. स्त्री शिक्षण, विधवा पुनर्विवाहासाठी प्रोत्साहन देत बालविवाह आणि विधवांवर होणारे अन्याय याविषयी त्यांनी आवाज उठवला आणि समाजात सुधारणा आणण्यासाठी लढा दिला होता. शाश्वत अर्थव्यवस्थेच्या स्थापनेसाठी त्यांनी स्वदेशी लघुउद्योगांच्या वाढीस प्रोत्साहन दिले होते. हेही वाचा : Corona आणि HMPV नंतर, आता "मारबर्ग" विषाणूचा कहर!

 

१८९७ रोजी देशाची आर्थिक स्थिती स्थिर करण्यासाठी आवश्यक शिफारशींसह राष्ट्रीय आणि स्थानिक खर्चाची जुळणी करण्यासाठी एक समिती स्थापन करण्यात आली होती. ब्रिटिश सरकारद्वारे या समितीत सदस्य म्हणून न्यायमूर्ती महादेव गोविंद रानडे यांची नियुक्ती करण्यात आली होती. तेव्हा समितीतील त्यांच्या कामगिरीची दखल घेत ब्रिटिश सरकारने त्यांना 'कम्पेनियन ऑफ द ऑर्डर ऑफ द इंडियन एम्पायर' (CIE) या शीर्षक देऊन सन्मानित केले होते. Mahadev Govind Ranade न्यायमूर्ती रानडे यांचे १६ जानेवारी १९०१ मध्ये वयाच्या ५९व्या वर्षी निधन झाले होते.