अचलपूर न.प.चा दिवाबत्ती विभाग झोपेत

या भागात असलेल्या राजा शिवाजी विद्यालयाच्या मैदानावर अनेक विद्यार्थी वेगवेगळ्या मैदानी परीक्षांची कवायत करीत असतात. त्यात मुले व मुली सर्वच असतात. रात्रीच्या वेळेस उशिरापर्यंत परिसरातील क्रीडा संकुल मैदानावर सराव करत असतात, परंतु जातेवेळी काळोख होत असल्यामुळेअडचणीचा सामना करावा लागत आहे. पालिकेच्या या दिवाबत्ती (Street Lights) विभागाला जाग येण्यासाठी काही लोकांनी तक्रारी देखील केल्या आहे, परंतु या भागातील अजूनही दुरुस्ती झाली नाही . शहरातील मुख्य वस्तीतच दिवाबत्तीची अशी स्थिती असेल तर इतर भागातले विचारायला नको. वारंवार तक्रार देऊन देखील कर्मचार्‍यांचा तुटवडा असल्यामुळे काम होत नसल्याचे कर्मचार्‍यांचे म्हणणे असले तरी कुठली अप्रिय घटना घडण्यापर्यंत नगरपरिषद प्रशासन जागे होणार नाही का, असा प्रश्न नागरिकांना पडला आहे.