शाहरुखच्या जवानचा जगभरात गदर

Shahrukh jawan शाहरुख खान या वर्षी बॉक्स ऑफिसवरचा 'बादशाह' बनला आहे. 2023 मध्ये, त्याच्या दोन चित्रपटांनी जगभरात 1000 कोटींहून अधिक कमाई केली. ॲटली दिग्दर्शित 'जवान' सोबत किंग खानने 'गदर 2', 'पीके' आणि 'टायगर जिंदा है' यासह अनेक चित्रपटांचे जागतिक रेकॉर्ड २५ दिवसांत मोडले आहेत. अलीकडेच किंग खानने या ॲक्शन ड्रामा चित्रपटाद्वारे स्वतःच्याच 'पठाण' या चित्रपटाचा विक्रम मोडला असून आता 'जवान' मोठ्या चित्रपटांना चिरडून पुढे जाण्याच्या तयारीत आहे.

शाहरुख खानच्या 'जवान' चित्रपटाने रिलीजच्या पहिल्याच दिवशी जगभरात 140 कोटींचा व्यवसाय केला. देशांतर्गत बॉक्स ऑफिसवर चित्रपटाची कमाई कमी होत असली तरी किंग खानचा ॲक्शन ड्रामा चित्रपट आजही जगभरात आपला ठसा उमटवत आहे. शनिवारपर्यंत या चित्रपटाने बॉक्स ऑफिसवर 1068 कोटींचा आकडा पार केला होता. यासह शाहरुखने यशराज बॅनरखाली बनलेल्या 'पठाण' चित्रपटाचा 1050 चा विक्रम मोडला. Shahrukh jawan वृत्तानुसार, रविवारनंतर या चित्रपटाने जगभरात एकूण 1084 कोटी रुपयांचे कलेक्शन केले आहे. शाहरुख खान-नयनतारा आणि दीपिका पदुकोण स्टारर 'जवान' ने वर्ल्डवाइड सिंगल डे वर एकूण 16 कोटी रुपयांचा व्यवसाय केला. या चित्रपटाची परदेशातील कमाई आत्तापर्यंत 365.25 कोटी रुपयांवर पोहोचली आहे, जी या वर्षात आतापर्यंत कोणत्याही चित्रपटाने मिळवलेली नाही.  त्याच्या 'पठाण' चित्रपटाचा विक्रम मोडल्यानंतर, आता किंग खानचे लक्ष्य रॉकी भाई उर्फ ​​कन्नड रॉकिंग स्टार यशचा चित्रपट 'KGF-2' आहे, ज्याचे आयुष्यभराचे कलेक्शन १२१५ आहे. 'जवान' जगभरात ज्या प्रकारे कमाई करत आहे, ते पाहता हा चित्रपट 'केजीएफ-2'चा विक्रम मोडू शकतो, असे म्हणणे चुकीचे ठरणार नाही.