ब्रिटनच्या गृहमंत्री सुएला ब्रेव्हरमन यांची हकालपट्टी

भारतीय वंशाच्या ब्रिटनमधील Home Secretary गृहमंत्री सुएला ब्रेव्हरमन यांची पंतप्रधान ऋषी सुनक यांनी हकालपट्टी केली आहे. लंडनचे Home Secretary पोलिस पॅलेस्टाईन समर्थक असल्याचा आरोप त्यांनी केला होता. ब्रिटनच्या मंत्रिमंडळातील ज्येष्ठ मंत्र्यांपैकी त्या एक होत्या.

 

 

 

Home Secretary सुएला यांनी आपल्या एका लेखात लंडन पोलिस पॅलेस्टाईन समर्थक आंदोलकांप्रती अत्यंत उदार असल्याचा आरोप केला होता. गेल्या आठवड्यात शनिवारी लंडनमध्ये पॅलेस्टाईनच्या समर्थनार्थ निदर्शने आयोजित करण्यात आली होती. या मुद्यावर त्यांनी सुनक यांच्यावर टीका केली होती. समीक्षकांनी म्हटले की, त्यांच्या लेखाने उजव्या विचारसरणीच्या निदर्शकांना लंडनच्या रस्त्यावर उतरण्यास प्रोत्साहित केले. वाढता विरोध पाहता सुएला यांच्यावर कारवाईसाठी सुनक यांच्यावर दबाव वाढत होता आणि दरम्यान, मंत्रिमंडळ फेरबदलात सुएला यांची हकालपट्टी झाल्याची बातमी समोर आली आहे.

वादग्रस्त सुएला

अलिकडेच, Home Secretary सुएला यांच्या आणखी एका विधानाने खळबळ उडवून दिली. ज्यामध्ये त्यांनी म्हटले की, ब्रिटिश शहरांमध्ये फूटपाथवर राहणारे लोक तेथे त्यांच्या स्वतःच्या इच्छेने राहतात आणि ही त्यांची जीवनशैली आहे. त्यांनी समाज माध्यम ‘एक्स'वरील त्यांच्या एका पोस्टमध्ये म्हटले होते, ब्रिटनचे लोक दयाळू आहेत. जे खरोखर बेघर आहेत त्यांना आम्ही नेहमीच आधार देऊ. परंतु, आम्ही आमचे रस्ते लोकांच्या तंबूंसाठी ताब्यात घेऊ देणार नाही, ज्यापैकी बरेच लोक परदेशातून आले आहेत. हे लोक त्यांच्या जीवनशैलीचा पर्याय म्हणून रस्त्यावर राहतात. याशिवाय त्यांच्या अनेक वक्तव्यांनी त्या वादाच्या भोवऱ्यात सापडल्या आहेत.