मणिपुरात आसाम रायफल्सच्या जवानांवर हल्ला

Manipur मणिपूरमध्ये आसाम रायफल्सच्या जवानांना लक्ष्य बनवून गुरुवारी हल्ला करण्यात आला. Manipur स्फोट घडवल्यानंतर गोळीबार करण्यात आला. सुदैवाने सर्व जवान सुरक्षित असल्याची माहिती अधिकाऱ्यांनी दिली.

 

 

 

Manipur मणिपुरातील टेंगनौपाल जिल्ह्यात हा हल्ला झाला. या घटनेनंतर सुरक्षा दलांना सतर्क करण्यात आले आणि परिसरात शोधमोहीम सुरू करण्यात आली. भारत-म्यानमार सीमेजवळील टेंगनौपाल पोलिस ठाण्याजवळ तैनात आसाम रायफल्सच्या एका तुकडीवर सशस्त्र जमावाने सकाळी साडेआठच्या सुमारास घात लावून हल्ला केला. या हल्ल्याची जबाबदारी अद्याप कोणत्याही संघटनेने स्वीकारलेली नाही. सुरक्षा दलांनी वेढा घालून परिसरात शोधमोहीम सुरू केल्याची माहिती अधिकाऱ्यांनी दिली.