न्यायालयाच्या माध्यमातून न्यायदानाचे काम करावे : न्या. विनय जोशी

Justice Vinay Joshi उमरखेडवासियांसाठी दिवाणी न्यायाधीश वरिष्ठ स्तर न्यायालय सुरू होत आहे. या न्यायालयाच्या माध्यमातून खर्‍या अर्थाने न्यायदानाचे काम करावे, असे प्रतिपादन मुंबई उच्च न्यायालय नागपूर खंडपीठाचे न्यायमूर्ती विनय जोशी यांनी न्यायालयाच्या उद्घाटनावेळी केले.

 

 

 

दिवाणी व फौजदारी न्यायालयाच्या इमारतीत आयोजित या उद्घाटन कार्यक‘मास प्रमुख जिल्हा व सत्र न्यायाधीश शिरीषकुमार हांडे, महाराष्ट्र बार कौन्सिलचे अध्यक्ष पारिजात पांडे, सदस्य अ‍ॅड. आशिष देशमुख, उमरखेड दिवाणी न्यायाधीश वरिष्ठ स्तर विनोद चव्हाण, यवतमाळ बार असोसिएशनचे अध्यक्ष संजय जैन, उमरखेड तालुका वकील संघाचे अध्यक्ष अ‍ॅड. संतोष आगलावे विविध न्यायालयाचे न्यायाधीश, आर्णी, पुसद, महागाव तालुका बार कौन्सिलचे अध्यक्ष, वकील संघाचे सदस्य उपस्थित होते.

न्यायमूर्ती विनय जोशी म्हणाले, कायद्याचे राज्य आणायचे असेल तर त्यासाठी एक्ससेस टू जस्टीस आणि स्पिडी जस्टीस या संकल्पना महत्त्वाच्या आहेत. Justice Vinay Joshi जलद न्याय करायचा असेल तर न्याय हा सर्वसामान्यांच्या दारी असले पाहिजेत. सर्वसामान्य माणसाला न्यायालयाची सुविधा शंभर किलोमीटर दूर असेल तर ते न्याय मिळण्यापासून वंचित राहतील. त्यामुळे या संकल्पनेतून उच्च न्यायालयाच्या प्रशासकीय समितीच्या दंडकानुसार शक्य तिथे जास्तीत जास्त न्यायालय सुरू करण्याची धारणा आहे, असे न्यायमूर्ती जोशी म्हणाले.

 

न्या. जोशी पुढे म्हणाले, यापूर्वी कनिष्ठ स्तर न्यायालयात आर्थिक मर्यादा पाच लाखांपर्यंत होती. आता वरिष्ठ स्तर न्यायालयाला अमर्याद आर्थिक अधिकार आहेत. आर्थिक मर्यादा व्यतिरिक्त वैवाहिक प्रकरण, शासनाच्या विरोधातील प्रकरणे असे अनेक प्रकरणे या न्यायालयाच्या कक्षेत येतात. त्यामुळे अनेक फायदे झालेले आहेत. पक्षकारांना न्यायालयाचे कामकाज पाहता येणार आहे. न्यायाधीशांनीही न्यायदानाचे काम केले पाहिजेत. या वरिष्ठ स्तर न्यायालयाचा नागरिकांना फायदा होणार आहे, असेही न्यामूर्ती जोशी यांनी सांगितले. प्रमुख जिल्हा सत्र न्यायाधीश शिरीषकुमार हांडे अध्यक्षीय भाषणात म्हणाले, उमरखेड येथे दिवाणी न्यायाधीश वरिष्ठ स्तर न्यायालयाचे उद्घाटन म्हणजे संघर्षाची पावती आहे. सर्वांची जबाबदारी आता वाढली आहे. Justice Vinay Joshi उमरखेड येथे अतिरिक्त सत्र न्यायालय आणि जिल्हा न्यायालयाची मागणी पूर्ण होण्याच्या बेतात आहे. न्यायालयाकडून न्याय देण्याचे कार्य व्हावे, अशी अपेक्षा त्यांनी व्यक्त केली.यावेळी महाराष्ट्र बार कौन्सिलचे अध्यक्ष पारिजात पांडे, सदस्य अ‍ॅड. आशिष देशमुख यांनीही मनोगत व्यक्त केले. प्रास्ताविक उमरखेड वकील संघाचे अध्यक्ष अ‍ॅड. संतोष आगलावे यांनी केले तर उमरखेडचे नव नियुक्त दिवाणी न्यायाधीश वरिष्ठ स्तर विनोद चव्हाण, यांनी आभार मानले.