अयोध्या निमंत्रण अक्षता कलशाचे पुलगावात जल्लोषात स्वागत

Akshata Kalash : श्रीरामजन्मभूमी अयोध्या येथे श्रीरामलल्लाच्या मूर्तीची 22 जानेवारी स्थापना होणार आहे. या निमित्ताने घरोघरी निमंत्रण देण्यासाठी अयोध्येहून निमंत्रण अक्षदा पोहचत आहे. तालुका केंद्रावर अक्षदा कलश 10 डिसेंबर ला रवाना झाले. पुलगावनगरीत अक्षता कलशाचे आगमन होताच जल्लोषात स्वागत करण्यात आले.

 

 

स्थानिय देवळी नाक्यावर अक्षता कलश पोहोचताच सुशोभित मंचावर ठेऊन त्यांचे पूजन करण्यात आले. यावेळी शहरातील विविध सामाजिक, धार्मिक, राजकीय क्षेत्रातील मान्यवर उपस्थित होते. पुजनानंतर Akshata Kalash कलश डोक्यावर घेऊन श्रीराम दिंडी काढण्यात आली. यात प्रभू श्रीरामाची प्रतिमा असलेला रथ, भजन दिंड्या, बँड पथकाचा समावेश होता. श्रीराम दिंडी जात असलेल्या मार्गांवर सडा टाकून, रांगोळ्या काढण्यात आल्या होत्या. अंगणात दिव्यांची आरास करण्यात आली होती. घरोघरी कलशाचे पुजन करण्यात येत होते. ठिक ठिकाणी फटाक्यांची आतषबाजी करण्यात आली. या श्रीराम दिंडी व स्वागत यात्रेचा समारोप श्रीराम मंदिर वसिष्ठाश्रम येथे झाला. या स्वागत यात्रेत मोठया संख्येने महिला, पुरुष व युवक सहभागी झाले होते.