अवकाळी पावसामुळे 23 प्राण्यांचा मृत्यू

Maharaj Bagh Zoo : डॉ. पंजाबराव देशमुख कृषी विद्यापीठाअंतर्गत येत असलेल्या महाराजबाग प्राणीसंग्रहालयात गेल्या वर्षी 88 प्राणी होते. सध्या 74 प्राणी असून वर्षभरात 6 प्राण्यांचा मृत्यू झाला. त्यापूर्वी 7 प्राणी मृत पावले होते. गेल्या वर्षभरात 23 प्राण्यांचा मृत्यू झाला असून ही आकडेवारी सप्टेंबर महिन्यातील आहे. मुख्यत: सप्टेंबर महिन्यात झालेल्या अवकाळी पावसाने महाराजबागेतील 18 काळवीट, 4 चितळ, 1हॉग डियरचा मृत्यू झाल्याची माहिती कृषी महाविद्यालयाचे प्रभारी अधिकारी डॉ. सु. श्री. बावस्कर यांनी माहिती अधिकार अंतर्गत अभय कोलारकर यांना दिली आहे.

 

 

कृषी विद्यापीठाअंतर्गत येत असलेल्या Maharaj Bagh Zoo महाराजबाग प्राणीसंग्रहालयातील प्राण्यांच्या खाण्यावर दरवर्षी 81 लाख रुपयांपर्यंतचा खर्च येतो. 2019-20 मध्ये 48 लाख 93,313, 2020-21 मध्ये 80 लाख 37 हजार 676 तर 2021-22 मध्ये 81लाख 60 हजार 049 आणि 2022-23 मध्ये 80 लाख 96 हजार 355 तर 1एप्रिल ते 31 ऑक्टोबर पर्यंत 45 लाख 63 हजार 753 रुपयांचा खर्च झाला आहे. गत 5 वर्षात 3 कोटी 37 लाख 51 हजार 146 रुपयांचा खर्च झाला आहे.