सिंधू, प्रशिक्षक पार्क ताई संग वेगळे झाले

भारताची अव्वल बॅडमिंटनपटू Park-Sindhu पी. व्ही. सिंधू आणि तिचे दक्षिण कोरियाचे प्रशिक्षक पार्क ताई संग वेगळे झाले आहेत, अशी घोषणा त्यांनी शुक‘वारी एका इंस्टाग्राम पोस्टमध्ये केली. दुहेरी ऑलिम्पिक पदक विजेती सिंधूची हंगामाची सुरुवात वाईट झाली, याकरिता मी जबाबदार असल्याचे तिने म्हटले. प्रगती करण्यासाठी सिंधू प्रशिक्षक बदलविण्याबाबत म्हणाली होती, असे पार्क यांनी सांगितले. पार्क यांनी 2019 मध्ये तिच्या प्रशिक्षक पदाची जबाबदारी स्वीकारली व त्यांच्या मार्गदर्शनाखाली सिंधूने टोकियो ऑलिम्पिकमध्ये कांस्य व बर्मिंगहॅम राष्ट्रकुल स्पर्धेत सुवर्णपदकांसह इतर विजेतेपद पटकावले.

 

 

 

मला Park-Sindhu पी. व्ही. सिंधूसोबतच्या माझ्या नात्याबद्दल बोलायचे आहे. तिने अलीकडच्या सर्व सामन्यांमध्ये निराशाजनक कामगिरी केली आहे. एक प्रशिक्षक म्हणून मला जबाबदार ठरविण्यात आले. त्यामुळे सिंधूला बदल हवा होता, असे प्रशिक्षकाने आपल्या इंस्टाग्राम पेजवर लिहिले. सिंधूला नवीन प्रशिक्षक मिळेल. मी तिच्या निर्णयाचा आदर करून त्याचे पालन करण्याचे ठरविले. मी पुढील ऑलिम्पिकपर्यंत तिच्यासोबत राहू शकत नाही, याचे मला वाईट वाटते, पण आता मी जात आहे. तिला दुरून प्रोत्साहन देईन, असे त्यांनी म्हटले आहे. सिंधूसोबतचा प्रत्येक क्षण मला आठवेल. मला पाठिंबा देणार्‍या आणि प्रोत्साहन देणार्‍या सर्वांचे मी आभार मानू इच्छितो, असेही त्यांनी म्हटले आहे.