देशाला बाबरी मशिदीची नाही तर रामजन्मभूमीची गरज

कनकगिरी,  

आसामचे मुख्यमंत्री हिमंता बिस्वा सरमा (Himanta Biswa Sarma) यांनी कर्नाटकातील कनकगिरी येथे जाहीर सभेला संबोधित केले. यावेळी त्यांनी भाजपला सत्तेत आणण्याचे आवाहन केले. आम्हाला बाबरी मशीद नको तर, रामजन्मभूमी हवी आहे, असे ते या रॅलीत म्हणाले. भाजपला सत्तेत आणायचे आहे. लंडनमध्ये दिलेल्या राहुल गांधींच्या वक्तव्यावर निशाणा साधत हिमंता बिस्वा सरमा म्हणाले की, राहुल गांधी कधीही पंतप्रधान होऊ शकणार नाहीत. कर्नाटकातील भाजपच्या विजय यात्रेदरम्यान सरमा कनकगिरी येथे एका सभेला संबोधित करत होते. यादरम्यान त्यांनी ही माहिती दिली.

 

राहुल गांधींबाबत ते म्हणाले की, ते भारताला बदनाम करण्याचा प्रयत्न करत आहेत. राहुल गांधी यांनी लंडनमध्ये भारताची बदनामी करण्याचा प्रयत्न केला. पण मी त्यांना सांगू इच्छितो की जोपर्यंत मोदीजी आहेत, तोपर्यंत तुम्हाला पंतप्रधानपद मिळणार नाही. (Himanta Biswa Sarma) सरमा पुढे म्हणाले की, ते भारत जोडो यात्रेसाठी कर्नाटकात येतात आणि लंडनमध्ये ब्रेक इंडिया यात्रेबद्दल बोलतात. ते कर्नाटकात आले तेव्हा मी त्यांना विचारले की, आज जोडण्यासाठी भारतात फिरत आहेत, पण 1947 मध्ये भारत कोणी तोडला, ते तुमच्या आजोबांनी केले. ते म्हणाले की, मोदीजी बाहेर जातात तेव्हा मातृभूमीचे गुणगान करतात.

 

हिमंता बिस्वा सरमा (Himanta Biswa Sarma) यांचे वक्तव्य अशा वेळी आले आहे, जेव्हा ब्रिटनमध्ये राहुल गांधींच्या वक्तव्यावर संसदेत प्रचंड गदारोळ झाला होता. एनडीए सरकारमधील अनेक मंत्र्यांनी देशाची संसद, न्यायव्यवस्था आणि लष्कराचा अवमान केल्याबद्दल राहुल गांधींनी माफी मागावी, अशी मागणी केली आहे. संसदेत राहुल गांधींवर झालेल्या हल्ल्यानंतर काँग्रेसने जोरदार निषेध केला. मल्लिकार्जुन खरगे यांनी राज्यसभेत राहुल गांधींच्या नावाचा उल्लेख केल्याचा तीव्र निषेध नोंदवला. राज्यसभेत या गदारोळानंतर राज्यसभेचे कामकाज तहकूब करण्यात आले.