भारतीय जनता पक्षाचे खासदार गिरीश बापट (Girish Bapat passed away) यांचे आज पुण्यातील दीनानाथ रुग्णालयामध्ये निधन झाले. वयाच्या 73 व्या वर्षी अखेरचा श्वास घेतला. गेल्या दीड वर्षांपासून ते रुग्णालयात दाखल होते. गिरीश बापट यांचा अंत्यविधी 7 वाजता वैकुंठ स्मशान भूमीत होणार आहे. गेल्या काही महिन्यांपासून त्यांना श्वसनाच्या आजार जडला. त्यानंतर त्यांच्यावर उपचार सुरु होते. प्रकृती खालावल्याने मागील काही महिन्यांपासून त्यांच्यावर डायलिसिस सुरु होते.
गिरीश बापट यांचे कसबा पेठ मतदारसंघात एकहाती वर्चस्व होते. बापट हे मूळचे स्वयंसेवक होते. नगरसेवक ते खासदार अशी चढत्या क्रमाची कारकीर्द राहिली. (Girish Bapat passed away) 1995 पासून 5 वेळा आमदार म्हणून कसब्यातून निवडून आले. तर 2019 मध्ये खासदारपदी निवड झाली. पुणे महापालिकेत नगरसेवक ते खासदार असा त्यांचा प्रवास राहिला आहे. त्यांच्या निधनाचे वृत्त समजताच अनेक मान्यवरांनी तीव्र दु:ख व्यक्त केले. त्यांच्या जाण्याने भाजपचे मोठे नुकसान झाले आहे. त्यांच्या निधनानंतर आता लोकसभेची पोटनिवडणूक लागण्याची शक्यता आहे.
