अकोला दंगल...'इन्स्टाग्राम’ वरील 'ते' संभाषण कोणी पसरविले?

Akola riots 'इन्स्टाग्राम’ वरील संवादात धार्मिक भावना दुखावल्याचे म्हणत जुने शहर परिसरात 13 मे रोजी रात्री उशिरा विशिष्ट समाजाच्या समाजकंटकांनी हिंसाचार करून धुडघूस घातला. सुरुवातीला रामदासपेठ पोलिस स्टेशन येथे तक्रारीकरिता मोठा जमाव जमला होता. तेथून हा जमाव घोषणा देत जुने शहरात पोहोचून तेथे त्यांनी अक्षरशः हिंसक धिंगाणा घातल्याचे चित्र होते. मात्र, मुळात धार्मिक भावना दुखविणारा मजकूर समाजमाध्यमावर पसरविला कोणी असा प्रश्न उपस्थित करीत दंगलीच्या खर्‍या सूत्रधाराला अटक करण्याची मागणी नागरिक करीत आहेत.

 

 

  

ह्या सर्व हिंसाचाराला इन्स्टाग्रामवर दोन व्यक्तींमध्ये असलेला संवाद पसरविण्याचे निमित्त झाले. मात्र, मुळात दोघांमध्ये असलेल्या संवादात भावना दुखवली असेल तर पोलिस स्टेशनमध्ये तक्रार करता आली नसती का ? त्यासंवादाचे ‘स्क्रीन शॉट’ काढून ते समाजमाध्यमावर पसरविण्याचा संबंधिताचा उद्देश काय होता या प्रश्नांच्या उत्तरात दंगलीचा मूळसूत्रधार लपला असल्याची चर्चा नागरिकांमध्ये आहे. Akola riots धार्मिक भावना दुखावण्याचा अधिकार कुणालाच असू नये ज्याने धार्मिक भावना दुखावल्या त्याच्यावर कारवाई व्हावीच. पण ज्यांनी हे निमित्त साधून शहरात अराजकता पसरविली त्यांच्यावर कठोर कारवाई व्हावी अशी मागणी नागरिकांमधून होत आहे. दरम्यान, यासर्व घटनेची सखोल चौकशी सुरु असून दोषींवर कठोर कारवाई करण्यात येईल. नागरिकांनी जातीय सलोखा कायम ठेवत शांतता राखवी असे आवाहन पोलीस प्रशासनाने केले आहे.