नामकरण सोहळयापूर्वी महाव्यवस्थापकाकडून पाहणी

इतवारी रेल्वे स्थानकाचे (Itwari Statio) नवीन नाव सुभाषचंद्र बोस इतवारी रेल्वे स्टेशन मिळाल्याने येत्या काही दिवसात नामकरण सोहळा आयोजित केल्या जाणार आहे. त्यापूर्वी इतवारी रेल्वे स्थानकावरील सुविधांचा आढावा घेण्यासाठी दक्षिण मध्य रेल्वे बिलासपूरचे अतिरिक्त महाव्यवस्थापक विजयकुमार शहा यांनी निरीक्षण दौरा केला.

 

इतवारी रेल्वे स्थानकावर सकाळी 10.30 वाजता आल्यानंतर प्रथम त्यांनी प्लॅटफॉर्म क्रमांक 5 व 6 वरील सुविधांबाबत पाहणी केली. तसेच स्टेशनच्या मागील भागात सुरू असलेल्या कामाची पाहणी करीत थेट पार्सल कार्यालयात आल्यानंतर अडचणी लक्षात घेतल्या. यावेळी सीपीएस संदीप चिलाटे उपस्थित होते. (Itwari Station) इतवारी रेल्वे स्थानकातील पार्सल कार्यालयात वजन चोरी सर्रास प्रकार घडत असल्याने त्यांनी संबंधित अधिकार्‍यांची कानउघडणी केली. महाव्यवस्थापक आलोक कुमार यांच्या आदेशानुसार अतिरिक्त महाव्यवस्थापक विजय कुमार शहा यांनी इतवारी स्टेशनचा दौरा करीत संपूर्ण कामाची पाहणी केली.यानंतर ते शालीमार एक्सप्रेसने बिलासपूरला रवाना झाले.