ऐतिहासिक मोहिमेचे अभूतपूर्व यश !

Chandryaan3-India संध्याकाळी ६ वाजून ४ मिनिटांनी विक्रम लँडरकडून सकारात्मक संदेश आला आणि चंद्राच्या दक्षिण ध्रुवावर चांद्रयान-३ हे यान उतरवणारा भारत जगातील पहिला देश ठरला. आजच्या या मोहिमेमुळे चंद्रावर यान पाठविणाऱ्या देशांमध्ये भारत चौथा ठरला आहे. यापूर्वी अमेरिका, रशिया (तत्कालीन सोव्हिएत रशिया) आणि चीनने चंद्रावर यान पाठविण्याची कामगिरी यशस्वी केली आहे. Chandryaan3-India या अभूतपूर्व कामगिरीमुळे चांद्रयान-२ मोहिमेतील विक्रम लँडरचे अपयश भारताने धुवून काढले. इस्रोचे अध्यक्ष, शास्त्रज्ञ आणि कर्मचा-यांच्या अथक परिश्रमाचे हे यश आहे. पंतप्रधान नरेंद्र मोदी यांनी या यशाबद्दल चांद्रयान मोहिमेच्या संपूर्ण चमूला जोहान्सबर्ग येथून शुभेच्छा दिल्या. Chandryaan3-India ज्याप्रमाणे इस्रोच्या मुख्यालयात बसून सर्व शास्त्रज्ञ या मोहिमेच्या यशस्वितेकडे डोळा लावून बसले होते, त्याचप्रमाणे नरेंद्र मोदी यांच्यासह संपूर्ण देशवासीयांनी या मोहिमेचा अखेरचा टप्पा आपल्या डोळ्यात साठवून घेतला. रशियाची चांद्र मोहीम चारच दिवसांपूर्वी अपयशी ठरल्यानंतर भारताच्या मोहिमेकडेही साशंक नजरेने बघितले जात होते. Chandryaan3-India पण भारताने या सर्व शंका-कुशंकांना पूर्णविराम देत अवकाश संशोधनात मोठी झेप घेत अवकाशालाच गवसणी घातली आहे.