साखरखेर्डा परिसरात मेघगर्जनेसह पाऊस अनेकांच्या दुकानात शिरले पाणी

Rain in Sakharkherda परिसरात मेघगर्जनेसह धुवाधार पावसामुळे अनेकांची तारांबळ उडाली असून बाजाराचा दिवस असल्याने अनेक दुकानांमध्ये पावसाचे पाणी शिरल्याने लाखो रुपयांचे नुकसान झाले आहे .

 

 

 

साखरखेर्डा आणि परिसरात पावसाने दि. 29 सप्टेंबर रोजी दुपारी हजेरी लावून एकच धांदल उडाली . आठवडी बाजार असल्याने अनेक भाजी पाल्याची दुकाने रस्त्यावर थाटलेली होती . दुपारी दोन वाजता आकाशात ढग दाटून आले . नेमका बाजार भरलेला असताना पावसाने चांगलीच हजेरी लावली . किरकोळ व्यापार्‍यांची धांदल उडाली. Rain in Sakharkherda अनेक भाजीपाल्याची दुकाने वाहिली . येथील एस ई एस हायस्कूल यांनी बांधलेल्या दुकानातही पाणी शिरल्याने मालाचे नुकसान झाले आहे . शारंगधर अर्बन को - ऑप . सोसायटी मध्ये पाणी शिरले होते . बसस्थानक परिसरात असलेल्या तलावाच्या पाणी वाटा बंद झालेल्या असल्याने मुंख्य नालीच्या चेंबर मधून पाणी वर आले . त्यामुळे अंडरग्राऊंड दुकानातील किराणा भुसार मालाचे नुकसान झाले आहे. यावर्षी प्रथमच भागावती नदी दुथडी भरून वाहत आहे . पावसाने जेवढा फायदा झाला तेवढेच नुकसान करुन गेला आहे . स्थानिक ग्राम पंचायतीने मुंख्य नालीच्या पाणी वाटा मोकळ्या करण्यासाठी ठोस पावले उचलावीत अशी मागणी व्यापारी संघटनेने केली आहे .