’चलो अयोध्या’ अभियान अंतर्गत रामभक्तांनसाठी सुवर्णसंधी

अयोध्येतील प्रभू श्रीरामाचे दर्शन घेण्यासाठी नागपुरातील रामभक्तांना दर्शनासाठी 14 फेब्रुवारीची तारीख देण्यात आल्याने 11 पासून 4 विशेष रेल्वेगाड्या अयोध्येसाठी सोडण्यात येणार आहेत. याशिवाय प्रत्येक लोकसभा मतदारसंघातून 6 हजार आणि प्रत्येक विधानसभा मतदारसंघातून 2 हजार रामभक्तांना अयोध्येचे दर्शन घडविल्या जाणार आहे. त्याबाबत सविस्तर नियोजन केल्या जात आहे. एकाचवेळी गर्दी करण्यापेक्षा वेगवेगळया तारखेला नागपुरात स्पेशल रेल्वेची व्यवस्था केल्या जाणार आहे. नागपूरच्या मध्यवर्ती रेल्वेस्थानकावरुन विशेष गाड्या सोडण्यात येणार असल्याने रामभक्तांना अयोध्या राम मंदिर ट्रस्टच्या वतीने दर्शनाची व्यवस्था करुन दिल्या जाणार आहे.

विहिंपच्या चलो अयोध्या अभियानात सहभागी रामभक्तांची भोजनाची जबाबदारी विश्व हिंदू परिषदेने घेतली आहे. विदर्भातील विहिंपकडून अयोध्येत महाप्रसादाचे कार्यक्रम महिनाभर चालणार आहे. अयोध्येतील प्रभू रामाच्या दर्शनासाठी संपूर्ण महाराष्ट्रातून 60 विशेष गाड्यांची मागणी रामभक्तांनी केली आहे.