आज हिंगणघाटात रामलल्ला बाईक रॅली; उद्या श्रीराम पहाट

Hinganghat Bike Rally : अयोध्या येथील रामलाल प्राणप्रतिष्ठा सोहळ्यानिमित्त शहरात सकल हिंदू समाजाच्या वतीने 21 रोजी रामलल्ला बाईक रॅलीचे आयोजन करण्यात आले आहे. सकाळी 9.30 वाजता संत तुकडोजी महाराज पुतळा गोकुलधाम मैदान येथून बाईक रॅली प्रस्थान करणार असून नगरातील विविध भागात जाणार आहे. या बाईक रॅलीत मंगल वेशात सहभागी व्हावे असे आवाहन सकल हिंदू समाज,विश्व हिंदू परिषद बजरंग दल यांनी केले आहेत.

 

 

 

आमदार समीर कुणावार सोशल फाउंडेशन द्वारे 22 जानेवारी रोजी शहरातील मारुती वार्ड न्यू यशवंतनगर येथे पहाटे 5 वाजता श्रीराम पहाट या राम भक्तीमय संगीत कार्यक्रमाचे आयोजन करण्यात आले आहे. राम भक्तांनी उपस्थित राहून लाभ घ्यावा, असे आवाहन आयोजकांनी केले आहे.

 

शहरातील डांगरी वॉर्ड परिसरातील न्यू राज दुर्गा उत्सव मंडळ व न्यू राज गणेश मित्र मंडळ, तसेच विर भगतसिंग व्यायाम शाळा यांचे संयुक्त वतीने 22 रोजी सकाळी 9 वाजता बाईक रॅलीचे आयोजन करण्यात आले असून दुपारी 3 वाजता लाडू वितरण करण्यात येईल. शहरात अनेक मंदिर परिसरात तसेच विविध ठिकाणी कार्यक्रमाची रेलचेल राहणार असून ग्रामीण तसेच शहरी भागात प्राणप्रतिष्ठा सोहळा साजरा करण्यात येत आहे. तालुक्यात सर्वत्र राममय वातावरण निर्माण झाले असुन बाजारातही दिवाळीप्रमाणे गर्दी असल्याचे निदर्शनास आले.