हिजबुल्लाहने उत्तर इस्रायलवर डागले १९० रॉकेट्स

Hezbollah attacks : मध्यपूर्वेत पुन्हा एकदा संघर्ष पेटला आहे. हिजबुल्लाहने सोमवारी पहाटे इस्रायलच्या उत्तर भागात सुमारे १९० रॉकेट्स डागली. यात एका चिमुकल्यासह ७ जण जखमी झाले. हिजबुल्लाहने उत्तर इस्रायलमधील अनेक शहरांना लक्ष्य केले. गॅलिली प्रदेशात ५० रॉकेट्स डागले.

 

 

 

हिजबुल्लाहच्या हल्ल्यामुळे झालेल्या नुकसानीचा एक व्हिडीओ इस्रायलच्या संरक्षण दलाने एक्सवर पोस्ट करीत म्हटले की, इस्रायलवर हल्ला झाला आहे. हिजबुल्लाहच्या आक्रमणाविरुद्ध आम्ही आमच्या नागरिकांचे रक्षण करीत राहू. हिजबुल्लाहने या रॉकेट हल्ल्यांची जबाबदारी स्वीकारली आहे, ज्यात कार्मेइलमधील प्रशिक्षण तळावरील हल्ल्याचा समावेश आहे. इस्रायली संरक्षण दलाला काही रॉकेट्स रोखण्यात यश आले. पण, हल्ल्यात घरे आणि कारचे नुकसान झाले. यात काही जण जखमी झाले.

 

 

 

Hezbollah attacks : सोमवारी उशिरा हिजबुल्लाहने हैफावर अतिरिक्त रॉकेट्स डागली; जो शहरावर आतापर्यंत झालेल्या सर्वांत मोठ्या हल्ल्यांपैकी एक आहे. अनेक रॉकेट्स रोखण्यात आले. यानंतर लेबनॉनमधून लाँच केलेल्या ड्रोनला मालकियाच्या उत्तरेकडील किबुट्झवर रोखण्यात आले, तर दुसरे लिमनजवळ कोसळले.