काश्मीरपासून संभलपर्यंत कट्टरतावादी हिंसाचार

Sambhal Violence : उत्तर प्रदेशातील संभल येथील कथित जामा मशिदीच्या सर्वेक्षणाच्या दिवशी ज्या प्रकारे मुस्लिम कट्टरवाद्यांनी हिंसाचार, दगडफेक जाळपोळ केली, त्यावरून मुस्लिम कट्टरतावाद्यांचा उन्मादी जमाव सर्वांना गिळंकृत करण्यास उतावीळ असल्याचे दिसून आले. जमावातून हे कट्टरपंथी बिनधास्तपणे नाव घेऊन ओरडत होते. ‘हसन, अजीम, सलीम, रिहान, हैदर, वसीम, अयान या सर्वांनी एकत्र येऊन पोलिसांची सर्व शस्त्रे हिसकावून घ्यावी आणि त्यांना आगीत जाळून ठार मारावे, असे या जमावातील कट्टरवादी ओरडत पोलिसांनी आपल्या एफआयआर अहवालात हा खुलासा केला आहे. ‘एकही पोलिस जिवंत राहता कामा नये’ असे हे जिहादी कट्टरतावादी जोरजोरात ओरडत असल्याचे पोलिसांनी दाखल केलेल्या एफआयआरमध्ये उघड झाले आहे. आम्ही कुठल्याही परिस्थितीत जामा मशिदीचे सर्वेक्षण होऊ देणार नाही, असे हे धर्मांध लोक ओरडत होते. सुनियोजित कटाचा भाग म्हणून हा हिंसाचार आल्याचे पोलिसांचे म्हणणे आहे. हिंसाचाराच्या दरम्यान, उन्मादी जमावाने हत्येचा प्रयत्न करत पोलिसांवर गोळीबार केला. एवढेच नव्हे तर पोलिसांचे ९ एमएम पिस्तूलही त्यांनी हिसकावले. पिस्तुलात १० गोळ्या होत्या. हिंसाचार करण्यापूर्वी दंगलखोरांनी परिसरातील सर्व सीसीटीव्ही कॅमेरे बंद केले होते जेणेकरून त्यांची कृत्ये पकडली जाऊ नयेत. यावरून दंगलखोरांनी किती पद्धतशीर नियोजन केले हे लक्षात येते.

पोलिसांनी दाखल केलेल्या एफआयआरनुसार, सुमारे १५०-२०० दंगलखोर संभलमधील नखासा चौकात जमले आणि त्यांनी सर्व सीसीटीव्ही फोडले. यानंतर अचानक त्यांच्या हातात हॉकी स्टिक, लाठ्याकाठ्या आणि दगड आले आणि त्यांनी पोलिसांवर जोरदार हल्ला केला. दंगलखोरांचा एकूण जमाव ८००-१००० च्या आसपास होता, असा पोलिसांचा दावा आहे.

 

उत्तर प्रदेशचे पोलिस महासंचालक प्रशांत कुमार यांनी संभल येथील घटनेमागे कटकारस्थान असल्याचे संकेत दिले आहेत. ते म्हणाले की, दंगलखोरांनी ज्या प्रकारे थेट पोलिसांवर हल्ला केला, त्यावरून हा नियोजनबद्ध कट असण्याची शक्यता नाकारता येत नाही. मात्र, प्रत्येक बाबी लक्षात घेऊन या प्रकरणाचा तपास सुरू आहे. या हिंसाचारात जणांचा मृत्यू झाला होता. तर डझनहून अधिक पोलिस जखमी झाले.