हिंगणघाट तालुक्यात गारपीट व पावसामुळे वीज पुरवठा खंडित
Total Views |
हिंगणघाट,
Hinganghat hailstorm : तालुक्यात ग्रामीण भागात आज सायंकाळी अनेक गावांमध्ये वादळी वाऱ्यासह गारपिटीचे प्रकार झाल्याचे माहिती मिळाली आहे.
वडनेर विभागातील आजनसरा फुकटा हिवरा या भागात वादळी वाऱ्यामुळे पिके उध्वस्त झाली असून गारपीटीच आहे मोठा तडाखा गहू व इतर पिकांना बसला आहे.
तालुक्यातील पिपरी पोहना, आजनसरा, नांदगाव(कां), कापसी, मोझरी(का), पवनी, बोपापुर, हिवरा येथेही वादळी वाऱ्यासह गारपिटीचे प्रकार झाल्याचे निदर्शनास आले आहे.
पिंपरी, वेणी, जांगोणा, हिवरा, बोपापुर या गावांमध्ये गारपीट झाली, कुठे बोरांचे आकाराची तर कुठे आवळ्याचे आकाराची गारपीट, शेत शिवारातील गोठ्यामध्ये उघड्यावर बांधुन असलेले शेतकऱ्यांचे पशुधन गारपिटीचे तडाख्यात सापडले असून जनावराची जीवहानी झाल्याची शक्यता नाकारता येत नाही.
काही गावांमध्ये गारपीट व पावसामुळे वीज पुरवठा सुद्धा खंडित झाला होता.
हवामान खात्याने आज या परिसरात पावसाचा अंदाज वर्तविला होता सावधानी म्हणून कृषी उत्पन्न बाजार समितीने आज शेतकऱ्यांना आपला माल विक्रीसाठी कृषी उत्पन्न बाजार समितीच्या आवारात आणू नये अशी सूचनाही दिली होती आज कृषी उत्पन्न बाजार समितीचे कामकाज बंद होते. अशातच आज सायंकाळी सात वाजता चे दरम्यान तालुक्यात अचानक पावसाळी वातावरण निर्माण होऊन वादळ वारे सुरू झाले अनेक ठिकाणी गारपिटीचा तडाखा बसला हिंगणघाट शहरातही तुरळक प्रमाणात पाऊस आला परंतु गारपिट झाल्याचे वृत्त नाही.