आमदार राजेंद्र पाटणी यांच्यावर शासकीय इतमामात अंत्यसंस्कार

वाशीम, 

MLA Rajendra Patni जिल्ह्यातील कारंजा-मानोरा विधानसभा मतदारसंघाचे दिवंगत आमदार राजेंद्र पाटणी यांचे प्रदिर्घ आजाराने निधन झाले. त्यांच्या पार्थिवावर वाशीम येथे शासकीय इतमामात अंत्यसंस्कार करण्यात आले. यावेळी त्यांचे पुत्र ज्ञायक पाटणी यांनी त्यांच्या पार्थिवाला भडाग्नी दिला. शासकीय इतमामात पोलिसांकडून बंदुकीच्या फैरींची सलामी व मानवंदना देण्यात आली.

 

 

 

 

यावेळी पालकमंत्री संजय राठोड, खासदार भावना गवळी, आ.अ‍ॅड निलय नाईक, आ.संजय कुटे, आ.वसंत खंडेलवाल, आ. रणधीर सावरकर, आ.गजानन घुगे, आ.आकाश फुंडकर, आ. अमित झनक, आ. तानाजी मुटकुळे, आ.लखन मलिक यांनी आ. स्व.पाटणी यांच्या पार्थिवाचे अंत्यदर्शन घेवून पुष्पचक्र अर्पण केले व श्रद्धांजली वाहिली. यावेळी जिपचे अध्यक्ष चंद्रकांत ठाकरे, माजी खासदार अनंतराव देशमुख, माजी आमदार संजय देशमुख, गुलाबराव गावंडे, मोहिनी नाईक, जिल्हाधिकारी बुवनेश्वरी एस, मुख्य कार्यकारी अधिकारी वैभव वाघमारे, पोलिस अधीक्षक अनुज तारे आदी उपस्थित होते.शोकभावना व्यक्त करतांना पालकमंत्री संजय राठोड म्हणाले, दिवंगत आमदार राजेंद्र पाटणी यांच्या निधनाची बातमी धक्का देणारी होती. माझ्या मोठ्या बंधुप्रमाणे होते. आजही विश्वास बसत नाही. एका आजाराशी त्यांचा लढा सुरु होता. त्यातून ते बरे होत होते. आजारी असतांना विकास झाला पाहिजे ही त्यांचा भूमिका होती. जिल्ह्याच्या विकासांचे त्यांचे स्वप्न पूर्ण करण्यासाठी हातभार लावण्याचा प्रयत्न करेल.मुख्यमंत्री, उपमुख्यमंत्री आणि मंत्रिमंडळातील सदस्यांच्या वतीने भावपूर्ण श्रद्धांजली अर्पण करतो. त्यांच्या कुटुंबियांना दु:खातून सावरण्याची शक्ती मिळो, अशी शोकभावना पालकमंत्री संजय राठोड यांनी व्यक्त केली.खासदार भावना गवळी म्हणाल्या, दिवंगत आमदार राजेद्र पाटणी यांनी त्यांच्या चांगल्या कामामुळे लोकांची मने जिंकली आहे. माझ्या वडिलांसोबत त्यांनी काम केले.MLA Rajendra Patni त्यांनी अनेक सोबती जोडले तसेच जनमानसात वेगळी छाप निर्माण केली. राज्याचे उपमुख्यमंत्री देवेंद्र फडणवीस यांच्या जवळचे म्हणून परिचित होते. मुख्यमंत्री एकनाथ शिंदे आणि गवळी परिवारातर्फे त्यांना श्रद्धांजली अर्पण करते, अशी शोकसंवेदना खा.गवळी यांनी व्यक्त केली.केंद्रीय मंत्री गडकरी, उपमुख्यमंत्री फडणवीस यांची श्रद्धांजली दिवंगत आमदार राजेंद्र पाटणी यांच्या दुःखद निधनाबद्दल केंद्रीय मंत्री नितिन गडकरी, उपमुख्यमंत्री देवेंद्र फडणवीस, खासदार संजय धोत्रे, आमदार चंद्रशेखर बावनकुळे यांनी शोकसंदेशाद्वारे श्रद्धांजली व्यक्त केली.