शाहू, फुले, आंबेडकर पुरस्काराने अग्रवाल संमानित

Shahu-Phule-Ambedkar Award : महाराष्ट्र शासनाच्या सामाजिक न्याय व विशेष सहाय्य मंत्रालयाच्या वतीने दिला जाणारा शाहू, फुले, आंबेडकर पुरस्कार शहरातील समाजसेवी गोपाल अग्रवाल यांना 12 मार्च रोजी मुंबई येथे पार पडलेल्या कार्यक्रमात देऊन गौरविण्यात आले.

 

 

 

मुंबई येथील डॉ. होमी भाभा सभागृहात एकाच वेळी गेल्या 4 वर्षातील पुरस्कारांचे वितरण मुख्यमंत्री एकनाथ शिंदे, उपमुख्यमंत्री अजित पवार, विधानसभेचे अध्यक्ष नार्वेकर, राज्यमंत्री संजय बनसोडे, न्याय विभागाचे सचिव सुमंत भांगे यांच्या हस्ते देण्यात आले. गोंदियातील युवा जागृती संस्थेचे अध्यक्ष तथा समाजसेवी, पत्रकार गोपाल अग्रवाल यांना त्यांनी केलेल्या उल्लेखनिय कामगिरीबद्दल शाहू, फुले, आंबेडकर पुरस्काराने मुख्यमंत्री एकनाथ शिंदे यांच्या हस्ते संमानित करण्यात आले. यावेळी गोंदियाचे आमदार विनोद अग्रवाल उपस्थित होते. गोपाल अग्रवाल मागील अनेक वर्षांपासून युवा जागृती संस्थेच्या माध्यमातून सामाजिक कार्य करीत आहेत.