माझ्यासाठी ही निवडणूक कौटुंबिक लढाई नसून ही एक वैचारिक लढाई आहे. इच्छा नसताना सुनेत्रा पवार यांना उमेदवारी देण्यात आली आहे. पवार कुटुंबात भांडणे लावण्याचे प्रकार सुरू आहे. मात्र जनता सुज्ञ असून काम करणारा उमेदवार कोण आहे, हे त्यांना माहिती आहे. त्यामुळे निवडणूक जिंकणार की नाही याची चिंता नसल्याचे मत शरद पवार गटाच्या उमेदवार Supriya Sule सुप्रिया सुळे यांनी रविवारी आयोजित पत्रपरिषदेत व्यक्त केले आहे.
Supriya Sule : सुप्रिया म्हणाल्या, आपण सर्वांनी एक गोष्ट कटाक्षाने लक्षात घेतली पाहिजे. अनेक दिवस झाले भाजपा हा पक्ष बारामती लोकसभा मतदारसंघात अनेक बैठका घेत आहेत. त्यांचे नेते म्हणत आहे की, या निवडणुकीत शरद पवार यांना संपवायचे आहे. त्यांना विकास करायचा नाही. त्यांना शरद पवार यांना संपवायचे आहे. शरद पवार यांना संपवण्यासाठी भाजपाकडे कुठलाही उमेदवार नाही. म्हणून त्यांनी माझ्या वहिनी सुनेत्रा पवार यांना उमेदवारी दिली. हे मोठे षडयंत्र आहे. मतदारसंघातील उमेदवार हा डाव हाणून पाडणार असल्याचे त्या म्हणाल्या.