कॅन्सरची औषधे आणि मोबाईल फोन होणार स्वस्त
देशांतर्गत उत्पादनाला चालना देण्यासाठी कस्टम ड्युटीमध्ये बदल
Total Views |
नवी दिल्ली,
Budget2024 : देशांतर्गत उत्पादनाला चालना देण्यासाठी अर्थमंत्री निर्मला सीतारामन यांनी अनेक उत्पादनांवरील कस्टम ड्युटी कमी करण्याची घोषणा केली आहे. औषधे आणि वैद्यकीय उपकरणांवरील कस्टम ड्युटी कमी करण्यात येणार असल्याचे अर्थमंत्र्यांनी सांगितले. यामुळे कॅन्सरची औषधे स्वस्त होतील, असे ते म्हणाले. मोबाईल फोन आणि मोबाईल चार्जरवरील करात कपात करण्याची घोषणाही अर्थमंत्र्यांनी केली आहे. याशिवाय सोलर पॅनल आणि सोलर सेलही स्वस्त होतील. यामुळे इलेक्ट्रिक वाहन खरेदी करणे स्वस्त होणार आहे.
मोबाईल फोन स्वस्त होतील
मोबाइल फोन उद्योगाबाबत अर्थमंत्री म्हणाले, 'मोबाईल फोन, मोबाइल पीसीबीएस आणि मोबाइल चार्जरवरील बीसीडी १५ टक्क्यांनी कमी करण्याचा माझा प्रस्ताव आहे.' जीएसटीमुळे सर्वसामान्यांना फायदा झाल्याचेही अर्थमंत्र्यांनी सांगितले. याशिवाय सरकारच्या महसुलातही वाढ झाली आहे.
सोने-चांदीची खरेदी स्वस्त होईल
सोन्या-चांदीवरील कस्टम ड्युटी 6 टक्क्यांनी कमी करण्याची घोषणा अर्थमंत्र्यांनी केली आहे. पोलाद आणि तांब्यावरील उत्पादन खर्च कमी करण्यासाठी अर्थमंत्र्यांनी पावले उचलली आहेत. फेरो निकेल आणि इलेक्ट्रॉनिक्सवरील बीसीडी कमी होईल. ऑक्सिजन फ्री कॉपरवरील बीसीडी काढली जाईल.