'खतरों के खिलाडी १४' मध्ये अभिषेक कुमारची प्रकृती बिघडली

Khatron Ke Khiladi 14  'खतरों के खिलाडी १४' चा प्रत्येक भाग मनोरंजक होत आहे. शोमधील टास्कची पातळी सतत वाढत आहे. कलर्सने नुकत्याच सोशल मीडियावर शेअर केलेल्या शोच्या प्रोमोमध्ये, अभिषेक कुमार धोक्यांचा सामना करत आपले कार्य पार पाडण्याचा प्रयत्न करतो, परंतु भीतीमुळे त्याची प्रकृती बिघडत असल्याचे दिसते. अभिषेक त्याच्या भीतीवर मात करण्याचा सर्वतोपरी प्रयत्न करतो, पण तो मध्येच बेशुद्ध पडतो. प्रोमोमध्ये 'उदारियां' आणि 'बिग बॉस' फेम अभिषेक कुमार दोरीला उलटा लटकताना दिसत आहे.

 

 त्याचा चेहरा पाण्याने भरलेल्या डब्यात बुडवला आहे. त्या पाण्यात अनेक मोठे साप आहेत. Khatron Ke Khiladi 14अभिषेक कुमार आपला चेहरा पाण्यात टाकून बॅच गोळा करण्याचा प्रयत्न करतो, परंतु क्लॉस्ट्रोफोबियामुळे तो बेशुद्ध होतो. टास्कच्या आधी, अभिषेकने खुलासा केला होता की त्याला क्लॉस्ट्रोफोबिया आहे आणि त्याला पाण्याची भीती देखील आहे. तसेच त्याला पोहणेही येत नसल्याचे सांगितले. शोचा होस्ट, रोहित शेट्टी त्यांना प्रोत्साहन देण्यासाठी सर्वतोपरी प्रयत्न करत होता.