अल्लू अर्जुन वायनाड पीडितांच्या मदतीला...

Allu Arjun to help Wayanad केरळमधील वायनाडमध्ये मुसळधार पावसामुळे भूस्खलनात आतापर्यंत अनेकांना जीव गमवावा लागला आहे. एकीकडे अनेकांनी आपले प्रियजन गमावले तर अनेक जण बेघर झाले. त्यामुळे वायनाडमध्ये खळबळ उडाली आहे. या भीषण भूस्खलनानंतर गेल्या आठवड्यापासून बचाव पथकाची शोधमोहीम सुरू आहे. निसर्गाने दिलेल्या या आपत्तीमुळे आतापर्यंत अनेकांचा मृत्यू झाला आहे. केरळ सरकारकडून बचावकार्य सुरू असताना दक्षिणेतील अनेक स्टार्सही मदतीसाठी पुढे येत आहेत. मामूटीपासून विक्रमपर्यंत अनेक स्टार्सनी वायनाड पीडितांना मदतीचा हात पुढे केला आहे.

 

 

वायनाड पीडितांना मदतीचा हात पुढे करणाऱ्यांमध्ये आता साऊथ सिनेसृष्टीतील आणखी एका सुपरस्टारचे नाव जोडले गेले आहे. साउथ सिनेमाच्या पुष्पा म्हणजेच अल्लू अर्जुननेही वायनाड पुरग्रस्तांसाठी केरळच्या सीएम रिलीफ फंडात पैसे दिले आहेत. अल्लू अर्जुनने या संदर्भात एक पोस्ट देखील शेअर केली आहे, ज्यामध्ये त्याने यासंदर्भात माहिती दिली आहे आणि वायनाड पीडितांबद्दल शोक व्यक्त केला आहे. Allu Arjun to help Wayanad अल्लू अर्जुनने आपल्या पोस्टमध्ये लिहिले आहे- 'वायनाडमध्ये नुकत्याच झालेल्या भूस्खलनामुळे मी खूप दुःखी आहे. केरळने नेहमीच माझ्यावर खूप प्रेम केले आहे आणि मला पुनर्वसन कार्यात मदत करण्यासाठी केरळच्या मुख्यमंत्री मदत निधीमध्ये 25 लाख रुपये देणगी देऊन योगदान द्यायचे आहे. तुमच्या सुरक्षिततेसाठी आणि सामर्थ्यासाठी प्रार्थना करा.