मोहम्मद मुइज्जूने भारतात येण्यापूर्वी खेळला 'Double Game'

Mohammed Muijju : भारतात येण्यापूर्वी मालदीवने चीनसोबत दुहेरी खेळ सुरू केला आहे. मालदीवचे अध्यक्ष मोहम्मद मुइज्जू लवकरच भारत दौऱ्यावर येण्याची शक्यता आहे. मात्र, अद्याप तारीख जाहीर करण्यात आलेली नाही.

 हेही वाचा : लोक आत्महत्या का करतात? जाणून घ्या

 

 

 

पण त्याआधीच मालदीवचे संरक्षण मंत्री घसान मौमून चीनला पोहोचले. येथे त्यांनी 11 व्या बीजिंग जिआंगशान फोरममध्ये भाग घेतला. हेही वाचा : ऑक्टोबर अखेरीस भारतीय हवाई दलाला मिळणार पहिले फायटर जेट !

 

 

मालदीव आणि चीनने दोन्ही देशांमधील संरक्षण सहकार्य मजबूत करण्यावर चर्चा केली. मालदीवच्या संरक्षण मंत्रालयाने ट्विटरवर एका पोस्टमध्ये ही माहिती दिली. मालदीवच्या संरक्षणमंत्र्यांनी त्यांचे चिनी समकक्ष ॲडमिरल डोंग जून यांचीही भेट घेतली. बैठकीदरम्यान, दोन्ही मंत्र्यांनी दोन्ही देशांमधील संरक्षण सहकार्य मजबूत करण्याच्या मार्गांवर चर्चा केली. या भेटीत मालदीवचे चीनमधील राजदूत डॉ. फजील नजीब हेही उपस्थित होते. हेही वाचा : भयावह! ओडिशात रस्ते अपघातात सहा ठार, 11 जखमी

 

 

मालदीव आणि चीनने यापूर्वी लष्करी संबंध मजबूत करण्यासाठी चर्चा केली आहे. एका न्यूज पोर्टलच्या रिपोर्टनुसार, मार्चमध्ये मालदीव आणि चीनने लष्करी आणि सुरक्षा सेवांना मदत देण्यासाठी करार केला होता. अध्यक्ष मुहम्मद मुइज्जू म्हणाले की, करारानुसार चीन मालदीवला लष्करी उपकरणे आणि प्रशिक्षण देईल.