टक्कर झाल्यानंतर पळून जाण्याचा प्रयत्नात कार चालकाने व्यक्तीला नेले खेचत

Accident Marathi News : कॅनॉट प्लेसमध्ये एका व्यक्तीला कारने धडक दिल्याने आणि सुमारे 10 मीटरपर्यंत खेचल्याने त्याचा मृत्यू झाला. बुधवारी घडलेल्या घटनेनंतर कार चालकाने घटनास्थळावरून पळ काढला असून दुसऱ्या दिवशी त्याला अटक करण्यात आल्याचे पोलिस अधिकाऱ्यांनी शनिवारी सांगितले. अधिकाऱ्यांनी सांगितले की, कारने धडकल्यानंतर लेखराज (45) यांना रुग्णालयात नेले असता डॉक्टरांनी त्यांना मृत घोषित केले. हेही वाचा : भारताने पुन्हा चीनला दिली पटखनी!

 

लेखराज फूटपाथवर राहत असे. पोलीस अधिकाऱ्याने दिलेल्या माहितीनुसार, 28 वर्षीय चालक शिवम दुबे याचा सीसीटीव्ही फुटेजच्या मदतीने शोध घेण्यात आला. ते म्हणाले की, दुबे हा मूळचा मध्य प्रदेशचा रहिवासी असून, बुधवारी दक्षिण दिल्लीतील महिपालपूर येथे राहणाऱ्या मित्राकडून कार घेऊन तो कुणाला तरी भेटण्यासाठी कॅनॉट प्लेसला गेला होता.

 हेही वाचा : आता बोला...रुग्णालयात घुसला बिबट्या!

 

मित्राच्या गाडीने फिरणारा शिवम दुबे दुपारी परतत होता. दुपारी 3.25 च्या सुमारास दुबेने कनॉट प्लेसच्या आऊटर सर्कलमध्ये बाराखंबा रोडजवळ रस्ता ओलांडणाऱ्या लेखराजला त्याच्या कारने धडक दिली. लेखराज गाडीच्या चाकाखाली अडकला होता, पण दुबेने कथितरित्या गाडी चालवत राहिल्याचे अधिकाऱ्याने सांगितले. सुमारे 10 मीटर खेचल्यानंतर दुबेने लेखराजला रस्त्यावर सोडून घटनास्थळावरून पळ काढला. अधिकाऱ्याने सांगितले की, लेखराजला रुग्णालयात नेण्यात आले, तेथे डॉक्टरांनी त्याला मृत घोषित केले. कॅनॉट प्लेस परिसरातून पळून गेल्यानंतर दुबेने कार त्याच्या मित्राला परत दिली.

 

 

सीसीटीव्ही तपासून गाडीच्या मालकाची ओळख पटली. यानंतर, दुबेला अटक करण्यात आली आणि भारतीय न्याय संहितेच्या (बीएनएस) संबंधित कलमांतर्गत गुन्हा दाखल करण्यात आला, असे अधिकाऱ्याने सांगितले. ही कारही जप्त करण्यात आल्याचे अधिकाऱ्यांनी सांगितले. या प्रकरणाचा तपास सुरू आहे.