'भोपाळ गॅस दुर्घटनेचा कचरा आम्ही येथे जाळू देणार नाही...',

Bhopal gas tragedy युनियन कार्बाइडचा विषारी कचरा मध्य प्रदेशात आणल्याच्या विरोधात पिथमपूरमध्ये मोठा गदारोळ झाला आहे. हजारो लोक रस्त्यावर आले आहेत. बेशिस्त जनतेवर नियंत्रण ठेवण्यासाठी पोलिसांना लाठीचार्ज करावा लागला. पिथमपूरच्या महाराणा प्रताप बसस्थानकावर सातत्याने आंदोलन सुरू आहे. त्याचा निषेध म्हणून आज शहर बंदची हाक देण्यात आली आहे.

  

 

 

युनियन कार्बाइड कारखान्यातील विषारी कचरा पिथमपूरमध्ये पोहोचल्यानंतर स्थानिक नागरिकांनी तीव्र विरोध सुरू केला आहे. सुमारे १.७५ लाख लोकसंख्या असलेल्या पिथमपूरमध्ये आज बंद पुकारण्यात आला होता. या पार्श्वभूमीवर लोकांनी विरोध सुरू केला. निदर्शनादरम्यान, लोक अनियंत्रित झाले, त्यानंतर पोलिसांनी लाठीचार्ज केला.

 पर्यावरण आणि लोकसंख्येला धोका 

आपल्या भागातील Bhopal gas tragedy  विषारी कचरा नष्ट केल्यास मानवी लोकसंख्या व पर्यावरणावर घातक परिणाम होईल, अशी भीती पिथमपूरच्या जनतेने व्यक्त केली आहे. पिथमपूर येथील युनियन कार्बाइड कारखान्याचा विषारी कचरा जाळल्याच्या विरोधात इंदौर मधील नागरिकही आंदोलन करत आहेत. तरी. या कचऱ्याची सुरक्षित विल्हेवाट लावण्यासाठी ठोस व्यवस्था केली जाईल, असे आश्वासन देऊन राज्य सरकारने या शंका फेटाळून लावल्या आहेत. सरकारच्या आश्वासनानंतरही लोक घाबरलेले दिसत असून, कचरा दुसरीकडे नेण्याची मागणी करत आंदोलन करत आहेत.

२ व ३ डिसेंबर Bhopal gas tragedy १९८४ च्या मध्यरात्री भोपाळमधील युनियन कार्बाइड कारखान्यातून अत्यंत विषारी मिथाइल आयसोसायनेट (MIC) वायूची गळती झाली. गॅस गळतीमुळे किमान ५४७९ लोकांचा मृत्यू झाला आणि हजारो लोक अपंग झाले. ३ डिसेंबर रोजी मध्य प्रदेश हायकोर्टाने या कारखान्यातील विषारी कचरा काढून टाकण्यासाठी ४ आठवड्यांची मुदत दिली होती आणि सरकारला इशारा दिला होता की जर त्याचे पालन झाले नाही तर अवमानाची कारवाई केली जाईल.