चॅम्पियन्स ट्रॉफीच्या पहिल्याच सामन्यात विल यंगचा करिष्मा

Champions Trophy 2025 : आयसीसी चॅम्पियन्स ट्रॉफी २०२५ च्या पहिल्या सामन्यात यजमान पाकिस्तान आणि न्यूझीलंड एकमेकांसमोर येत आहेत. कराचीमध्ये खेळल्या जाणाऱ्या या सामन्यात न्यूझीलंडचा सलामीवीर विल यंगने फलंदाजीने धमाकेदार कामगिरी केली आहे. विल यंगने डेव्हॉन कॉनवेसोबत डावाची सुरुवात केली पण न्यूझीलंडला लवकरच आठव्या षटकात पहिला धक्का बसला. डेव्हॉन कॉनवे फक्त १० धावा करून बाद झाला. यानंतर, पुढच्याच षटकात, केन विल्यमसन एक धाव घेत नसीम शाहचा बळी ठरला. डॅरिल मिशेलही फक्त १० धावा करून पॅव्हेलियनमध्ये परतला. यादरम्यान, विल यंगने एका टोकाला घट्ट धरले आणि नंतर यष्टिरक्षक फलंदाज टॉम लॅथम सोबत मिळून त्याने डाव पुढे नेला आणि एक शानदार शतक ठोकले.

 

 

विलिंगने १०७ चेंडूत शतक पूर्ण केले, हे त्याचे चौथे एकदिवसीय शतक होते. त्याने ११ चौकार आणि १ षटकार मारत आपले शतक पूर्ण केले. ३२ वर्षीय विल यंग हा चॅम्पियन्स ट्रॉफीमध्ये शतक करणारा ५वा किवी फलंदाज आहे. यापूर्वी, नॅथन अ‍ॅस्टल, ख्रिस केर्न्स आणि केन विल्यमसन यांनी चॅम्पियन्स ट्रॉफीमध्ये शतके झळकावण्याचा पराक्रम केला होता.

 

 

१४५* - नॅथन अ‍ॅस्टल विरुद्ध अमेरिका, द ओव्हल, २००४

१०२* - ख्रिस केर्न्स विरुद्ध भारत, नैरोबी, २००० अंतिम सामना

१०० - केन विल्यमसन विरुद्ध ऑस्ट्रेलिया, एजबॅस्टन, २०१७

१००* - विल यंग विरुद्ध पाकिस्तान, कराची, २०२५

 

 

 

 

विल यंगने १०३ धावांचा टप्पा गाठताच कराचीमध्ये सर्वाधिक धावसंख्या करण्याचा विक्रम केला. कराचीतील नॅशनल स्टेडियमवर एकदिवसीय सामन्यात सर्वाधिक धावा करणारा यंग हा किवी फलंदाज बनला आहे. त्याने देवन कॉनवेचा २ वर्ष जुना विक्रम मोडला. कॉनवेने २०२३ मध्ये ९२ चेंडूत १०१ धावांची खेळी खेळली. विल यंग १०७ धावा करून बाद झाला. त्याने आपल्या शतकी खेळीत १२ चौकार आणि १ षटकार मारला. चॅम्पियन्स ट्रॉफीच्या पहिल्याच सामन्यात शतक ठोकण्याचा विक्रम करणारा विल यंग हा जगातील नववा फलंदाज आहे. यापूर्वी अ‍ॅलिस्टर कॅम्पबेल, सचिन तेंडुलकर, सईद अन्वर, असेला गुणरत्ने, मोहम्मद कैफ, उपुल थरंगा, शिखर धवन आणि तमीम इक्बाल यांनी ही कामगिरी केली होती.