'वॉर २'च्या शूटिंगदरम्यान हृतिक जखमी

 

 

Hrithik injured during shooting बॉलिवूड सुपरस्टार हृतिक रोशन गेल्या काही दिवसांपासून त्याच्या बहुप्रतिक्षित 'वॉर २' चित्रपटाच्या शूटिंगमध्ये व्यस्त होता, पण अलीकडेच सेटवरून एक धक्कादायक बातमी समोर आली आहे. चित्रपटाच्या शूटिंगदरम्यान हृतिकला गंभीर दुखापत झाली होती, त्यामुळे सध्या चित्रीकरण पुढे ढकलण्यात आले आहे. वृत्तानुसार, अपघात झाला तेव्हा हृतिक रोशन आणि ज्युनियर एनटीआर एका हाय-एनर्जी डान्स नंबरचे शूटिंग करत होते. या गाण्यात जबरदस्त स्टंट आणि डान्स मूव्ह्स होते, पण यादरम्यान हृतिकच्या पायाला गंभीर दुखापत झाली. त्याची दुखापत इतकी गंभीर होती की डॉक्टरांनी त्याला किमान चार आठवडे पूर्ण विश्रांती घेण्याचा सल्ला दिला आहे. तथापि, या अपघातानंतरही 'वॉर २' च्या प्रदर्शन तारखेवर कोणताही परिणाम होणार नाही. वृत्तानुसार, उर्वरित कलाकारांनी त्यांच्या भागांचे चित्रीकरण पूर्ण केले आहे आणि चित्रपट आता पोस्ट-प्रॉडक्शन टप्प्यात आहे. वेळापत्रकानुसार हा चित्रपट १४ ऑगस्ट २०२५ रोजी थिएटरमध्ये दाखल होईल.