चमत्कार! अब्दुल समद IPL आणि PSL दोन्हीमध्ये उपस्थित...VIDEO

Abdul Samad : सध्या आयपीएलचा १८ वा हंगाम भारतात अतिशय शानदार पद्धतीने खेळला जात आहे. चाहत्यांना रोमांचक सामनेही पाहायला मिळत आहेत. दुसरीकडे, पाकिस्तान सुपर लीग (आयएसएल) भारताच्या शेजारील देश पाकिस्तानमध्ये आयोजित केली जात आहे. आता अब्दुल समद नावाचे दोन खेळाडू पीएसएल आणि आयपीएल दोन्ही लीगमध्ये खेळत आहेत आणि आपापल्या संघांना विजय मिळवून देत आहेत.

 

 

 

२३ वर्षीय भारतीय खेळाडू अब्दुल समद आयपीएलमध्ये लखनौ सुपर जायंट्स संघाचा भाग आहे आणि तोही चांगली कामगिरी करत आहे. राजस्थान रॉयल्सविरुद्धच्या सामन्यात त्याने १० चेंडूत ३० धावा केल्या, ज्यात चार षटकारांचा समावेश होता. शेवटच्या षटकांमध्ये, समदने स्फोटक फलंदाजी केली आणि राजस्थान रॉयल्सच्या गोलंदाजांना धुडकावून लावले.

 

 

भारतीय खेळाडू अब्दुल समद २०२० पासून आयपीएलमध्ये खेळत आहे. तो पाच हंगाम सनरायझर्स हैदराबादकडून खेळला. यानंतर, त्याला आयपीएल २०२५ च्या मेगा लिलावात लखनौ सुपर जायंट्स संघाने खरेदी केले. आतापर्यंत त्याने ५७ आयपीएल सामन्यांमध्ये एकूण ६८८ धावा केल्या आहेत.

 

 

 

 

 

 

 

 

दुसरीकडे, २७ वर्षीय पाकिस्तानी खेळाडू अब्दुल समद हा पाकिस्तान सुपर लीगमध्ये पेशावर झल्मी संघाचा भाग आहे. त्याने मुलतान सुल्तान्सविरुद्ध शानदार कामगिरी केली आणि सामन्यात १४ चेंडूत ४० धावा केल्या, ज्यात चार चौकार आणि तीन षटकारांचा समावेश होता. त्याच्या उत्कृष्ट कामगिरीसाठी त्याला सामनावीराचा पुरस्कारही मिळाला आहे.