उन्हाळ्यातील वाळवण : तांदळाचे पापड

Rice papad recipe उन्हाळा सुरू झाला की घराघरांत वाळवणीची लगबग सुरू होते. आंबे, कैऱ्या, बोरं यांच्या जोडीने चविष्ट आणि कुरकुरीत वाळवणांची रेलचेल असते. यामध्ये खास उल्लेख करावा लागेल तो म्हणजे तांदळाच्या पापडांचा! लहानपणापासून अनेकांच्या आठवणीत घरातल्या महिलांचा गजबजाट, अंगणात पापड वाळवणं, आणि त्यात सामील होणं हे सगळं खास असतं. चला तर मग जाणून घेऊया ही पारंपरिक पण सहज सोपी रेसिपी...

 

 

 

 

 

तांदूळ – १ किलो

पाणी – अंदाजे ५ लिटर

जिरे – २ टेबलस्पून

साजूक तूप – १ टेबलस्पून

मीठ – चवीनुसार

हिरव्या मिरच्यांची पेस्ट – २ टेबलस्पून (ऐच्छिक)

हिंग – १ टीस्पून (ऐच्छिक)

1. तांदूळ भिजवणे:

तांदूळ स्वच्छ धुऊन ६-७ तास भरपूर पाण्यात भिजत घाला.

2. तांदूळ वाटणे:

भिजवलेले तांदूळ गाळून घ्या आणि थोडे पाणी घालून बारीक वाटून घ्या. पिठासारखा गुळगुळीतसर मिश्रण बनवा.

3. मिश्रण उकळणे:

एका जाड बुडाच्या पातेल्यात पाणी गरम करा. त्यात मीठ, हिंग, हिरव्या मिरच्यांची पेस्ट, जिरे आणि थोडं साजूक तूप घालून एक उकळी आणा.

मग त्यात थोडं थोडं करून तांदळाचं मिश्रण घालून सतत हलवत राहा. गुठळ्या होणार नाहीत याची काळजी घ्या.

4. पापडाचं पीठ शिजवणे:

हे मिश्रण Rice papad recipe मध्यम आचेवर ढवळत राहा. जेव्हा मिश्रण घट्ट होऊन एका गोळ्यासारखं सुटू लागतं, तेव्हा ते शिजलं आहे असं समजा. गॅस बंद करा.

5. पापड वाळवणे:

मोठ्या प्लास्टिक शीटवर किंवा पॉलिथिनवर थोडं तूप लावून छोट्या मोठ्या आकारात हे मिश्रण घालून पापड पसरवून घ्या. चमच्याच्या मदतीने गोलसर पातळ आकार द्या.ते उन्हात २-३ दिवस वाळवून घ्या. वाळल्यावर पापड सहज काढता येतात.

6. साठवणूक:

पूर्णपणे वाळल्यावर हवाबंद डब्यांत भरून ठेवा. हवाबंद डब्यात ठेवले तर हे पापड वर्षभर टिकतात.

 

तांदळाचे पापड गरम तेलात कुरकुरीत तळून घ्या. गरम गरम भातासोबत, आमटीबरोबर किंवा चहासोबत सुद्धा हे पापड चविष्ट लागतात.

तुम्ही या Rice papad recipe पापडांमध्ये मिरचीऐवजी लाल तिखट वापरून वेगळा चवही देऊ शकता.

लहान मुलांसाठी मिरच्यांशिवाय पापड तयार करा.

या पापडांचं पीठ तुम्ही जास्त करून २-३ दिवस फ्रिजमध्ये साठवू शकता.

हाच पारंपरिक वळणाचा अनुभव पुढच्या पिढीसाठी जपून ठेवायला हवा. उन्हाळ्याची ही चविष्ट भेट तुमच्या स्वयंपाकघरात नक्कीच विशेष ठरेल.